„Кам“ донираше над 1.250 детски пижами донирани на Клиниката за детски болести

На ЈЗУ Универзитетска клиника за детски болести – Скопје минатата недела беа донирани повеќе од 1.250 парчиња детски пижами, со цел да се подобрат условите за престој на најмалите пациенти.

Вкупната вредност на донацијата изнесува 170.900 денари, а пижамите се наменети за децата кои се лекуваат на Клиниката.

Од донаторот посочуваат дека целта на акцијата е да се придонесе кон создавање попријатна и похумана средина за децата за време на нивниот болнички престој.

„Веруваме дека со заеднички ангажман можеме да придонесеме кон создавање посигурна, попријатна и похумана средина за најмалите пациенти“, се наведува во објавата по повод донацијата.

Оттаму додаваат дека општествената одговорност ја гледаат како обврска да се помогне таму каде што поддршката е најпотребна, со надеж дека ваквите активности ќе поттикнат и други компании и организации да се вклучат во слични хуманитарни иницијативи.

Со донацијата се очекува да се олесни секојдневието на дел од децата кои престојуваат на Клиниката и дополнително да се укаже на значењето на поддршката за најмладите пациенти.