Превозниците излегуваат на протест на 31 август поради правилото 90/180

Македонските превозници на 31 август ќе одржат двочасовен протест пред седиштето на Делегацијата на Европската УнијПревозниците излегуваат на протест на 31 август поради правилото 90/180а во Скопје поради проблемите со правилото за престој од 90 дена во период од 180 дена во Шенген-зоната, информираат од „Макам-транс“.

Одлуката била потврдена на состанок на превозниците одржан на 21 август. Протестот е планиран од 12 до 14 часот, со најмалку 20 товарни возила и присуство на сопственици на транспортни компании, професионални возачи и други вработени од повеќе градови во државата.

Истовремени протести се најавени и во Србија, Босна и Херцеговина и Црна Гора.

Протестот доаѓа непосредно пред состанокот на Работната група во Брисел, закажан за 1 септември, на кој превозниците очекуваат да биде понудено преодно решение за престојот на професионалните возачи во Шенген-зоната.

Доколку не биде постигнат договор, се разгледува можноста од 14 септември да почнат протести и блокади на граничните премини во секоја од четирите држави. За ваков чекор ќе биде потребна согласност од превозниците и одобрение од надлежните институции.

Од „Макам-транс“ наведуваат дека евентуалниот протест би можел да трае и повеќе од десет дена, по моделот на протестите од јануари годинава.

Асоцијациите во моментов спроведуваат анкета меѓу превозниците, а за организирање на протестот се бара поддршка од најмалку 70 проценти од транспортните компании.

Во случај на блокади, ќе треба да биде утврдена и листа на стоки од јавен интерес кои непречено би се пропуштале преку граничните премини, меѓу кои нафта и нафтени деривати, јаглен и други неопходни производи.