Марина Михајловска: Од стратегија до резултати – Performance Management како движечка силa

Од стратегија до резултати – Performance Management како движечка сила е темата за која ќе говори Марина Михајловска на 11 FMCG Summit кој ќе се одржи на 30 октомври во „Александар Палас“.

Performance Management не е само систем за мерење на резултати, туку и механизам што ја одржува стратегијата релевантна и ефективна. Стратегијата не е документ, туку начин на размислување и дејствување што се пренесува низ цели, бројки и одлуки. Преку KPI и улогата на менаџерите како имплементатори на стратегијата, се создава организациска култура на влијание, одговорност и континуиран раст.

Марина Михајловска е директор за општи работи и човечки ресурси во КОЛА Група, која веќе повеќе од 12 години ја трансформира HR-функцијата во стратешки двигател на бизнисот. Со воведување современи HR-практики и методологии и со имплементација на стратешки HR-процеси, успева да ја позиционира оваа функција на корпоративно ниво. Правник по образование, таа е сертифициран Erickson Professional Coach и High Performance Team Coach од Erickson Coaching International, со бројни сертификации во областа на практични HR-алатки. Нејзиниот фокус е развој на лидерските стилови и менаџерските вештини, како и зајакнување на корпоративните вредности, што резултира со мотивирани тимови и високи деловни перформанси. Во 2022 година ја доби престижната награда „HR-менаџер на годината“ од Македонската асоцијација за човечки ресурси.