Виното е промотивно најактивно во споредба со другите поткатегории, а од брендовите промотивно најактивни се: Тikveš, Badel, Stobi...
Извор: „Фокус марктфоршунг“
„Фокус рисрч“ повеќе од 30 години прави годишни анализи на пазарот врз основа на учеството на брендовите во летоците. Овие анализи овозможуваат интересен преглед на категориите и даваат приказ на промотивната активност на поткатегориите и брендовите во летоците на одредени трговски синџири. Освен тоа, се анализираат и промотивните цени преку развојот на максималната, промотивната и минималната цена на одредени производи.
Во графикон 1, „Фокус“ ја анализира промотивната активност на виното и алкохолните пијалаци, при што се анализира активноста на повеќе поткатегории. Период за анализа се првите девет месеци од годинава, наспроти истиот период лани. Виното е промотивно најактивно во споредба со другите поткатегории. Годинава бележи намалување на активноста на 40,4% наспроти минатогодишните 42,7%. Намалување на промотивната активност бележат и следните две поткатегории: виски (од 14% лани на 12,4% годинава) и џин (од 11,1% лани на 10% годинава). Вотката бележи благ пораст од 6,9% лани на 7,3% годинава, како и анасанов бренди од 4,6% лани на 5,3% годинава.
Брендови
Агенцијата „Фокус“ прави анализа и на промотивните активности на брендовите од категоријата вино и алкохолни пијалаци. Анализираниот период се првите девет месеци од годинава наспроти истиот период лани. На графикон 2 се забележува дека промотивно најактивни се вината на „Тиквеш“, кои годинава заземаат 11,1%, колку што, приближно, имале и лани. Дадена е анализа на промотивната активност на брендовите од категоријата вино и алкохолни пијалаци. Badel годинава бележи 5,8%, што е пораст на промотивната активност во споредба со лани – 3,2%. Благ пораст на промоциите бележат и вината на „Стоби“ од 2% на 3,4%, додека Sax gin ја задржува промотивната активност од лани. Gordon’s бележи намалување, од 3,8% лани на 2,3% годинава. Податоците за другите брендови погледнете ги на графиконот 2.
Во кои трговски синџири учествуваат производителите?
Анализата на „Фокус“ го испитува присуството на водечките производители во летоците на индивидуални трговски синџири – „Тинекс“, dm, „Веро“, „Рамстор“, „Зур“, „Кам“ и други. Во анализата се дадени првите три трговски синџири каде што производителот учествува со највисок процент. Анализата е за првите девет месеци од годинава. (графикон 3)
Алкохолните пијалаци на „Бадел 1862“ се најактивни во летоците на „Унимак 95“ и „Футура“ со повеќе од 31%, на „Монтенегро“ со 30,6% и на „Атва“ со 28,6%.
Вината на „Тиквеш“ најчесто се промовирани во „Црвена ружа“ со 100%, во „Мин-екс“ со 30,6%, и во „Футура“ со 37,5%.
„Дијаџио“ со највисок процент на промотивна активност е застапен во летоците на „Конто“ со 33,3%, во „Тамаро“ со 27,9% и во „С53“ со околу 21%.
„Перно Рикар“ со 100% е присутен во „Тинекс дисконт“, со 81,8% во „Ангромаркетинг“ и со речиси 20% во „Тинекс“.
Пиеме ли поевтини алкохолните пијалаци
„Фокус“ прави темелни анализи за развојот на цените, а овој број направи анализа на вино и виски, во првите девет месеци од 2023 во споредба со 2022 година.
Во првите девет месеци од годинава минималната промотивна цена на виното (750 мл) е 69 денари, во споредба со истиот период лани кога била 109 денари. Максималната цена годинава бележи значителен пад, од 6.199 денари лани на 1.850 денари годинава. Просечната промотивна цена годинава изнесува 353,47 денари и е нешто пониска од ланската – 363,03 денари.
Кај вискито (700 мл) годинава се забележува пораст на сите три анализирани промотивни цени. Минималната е зголемена од 259 денари лани на 349 денари годинава. Речиси двојно зголемување бележи максималната промотивна цена, од 16.992 денари лани на 32.295 денари годинава. Просечната промотивна цена годинава е 1.625,01 денар, во споредба со лани – 1.278,97 денари. Податоците можете да ги видите на графикон 4.
За агенцијата
„Фокус рисрч“ е една од водечките агенции за истражување на пазарот во Европа. Агенцијата функционира во 35 земја и има повеќе од 970 клиенти низ цела Европа. „Фокус“ квантитативно ги истражува и ги анализира сите промотивни активности и на македонскиот пазар, а своите клиенти ги обезбедува со информации преку интернет-база на податоци, персонални извештаи и секојдневни билтени.
Контакт: Мелани Ципот, директор за продажба за Србија, Словенија, Македонија, Црна Гора и БИХ
Е-пошта: m.cipot@focusmr.com
Телефон: +386 41 741 349
Телефон: +381 61 135 012
