„Лидл“ ги модернизира своите продавници во Германија со воведување на самопослужни каси со камери. Хибридното решение ја спојува брзината на купување со зголемена оперативна контрола. Трошоците за труд се зголемени за повеќе од една третина од 2020 година, што го менува начинот на функционирање на касите. За добавувачите, ова претставува почеток на крајот на „импулсната зона“ каква што ја познававме досега.
Пишува: Себастијан Ренак, меѓународен ритејл аналитичар
Од почетокот на 2024 година, малопродажниот синџир распиша набавка за повеќе од 10.000 уреди за самонаплата за своите операции ширум Европа. Во Германија, вакви решенија се инсталирани во најмалку 500 од вкупно 3.250 „Лидл“ продавници. Технологијата веќе претставува стандард на пилот-пазарите како Полска и Романија, поставувајќи темел за поширока имплементација на ниво на целата групација.
Дополнително, во Обединетото Кралство, „Лидл“ тестира напредни камери со вештачка интелигенција кои детектираат прескокнати артикли, им ги прикажуваат снимките на купувачите и повикуваат персонал само доколку грешката потрае. Ова решение сега пристигна и на домашниот германски пазар.
Хибридни самопослужни каси овозможуваат брзина и прифаќаат готовина
Во водечките продавници во Германија, „Лидл“ комбинира шест уреди за самонаплата со пулт за асистенција. Вработените на пultot: прифаќаат готовина (која не е достапна на повеќето самопослужни каси), проверуваат возраст, скенираат големи количини и решаваат проблеми во трансакциите.
Овој хибриден модел, усовршен во Полска, каде цели продавници преминаа на самонаплата во 2023 година, овозможува работа без традиционални каси со подвижни ленти – особено во периоди со големи гужви.
Клучната предност е присуството на персонал што спречува потенцијални кражби. „Лидл“ неодамна најави дека сите зони со самонаплата во Германија ќе бидат опремени со излезни бариери.
Според студија на „ЕХИ ритејл институт“, загубите во залихите во германската малопродажба пораснале за 5%, достигнувајќи 4,8 милијарди евра во 2023 година, од кои 4,1 милијарда евра (речиси 60%) се поради кражби од купувачи – што претставува зголемување од 15% во однос на претходната година. Овие бројки се однесуваат само на откриените случаи, додека се проценува дека дури 24 милиони случаи годишно остануваат незабележани.
Притисокот од трошоци и недостигот на работна сила ја забрзуваат автоматизацијата
Законскиот минимален надомест во Германија се зголеми од 9,35 евра во 2020 на 12,82 евра во 2025, што е зголемување од 37%. Според актуелните предлози на Комисијата за минимални плати, можно е износот да достигне 14,60 евра до 2027.
Кога ќе се земат предвид додатоците за работа во недела, бонусите и хроничниот недостиг на кадар, вистинскиот трошок за труд може да биде значително повисок. Пазарни извори наведуваат дека „Лидл“ - Полска, како еден од првите кои воведоа самонаплата и електронски цeновници, успеал лесно да го намали бројот на вработени во продавниците, што служи како модел за контрола на трошоците.
Импликации за брендираните добавувачи
Во многу продавници, самопослужните каси стануваат доминантен, па дури и единствен начин за наплата. Традиционалните каси со подвижни ленти, кои порано беа епицентар на импулсивни купувања сè повеќе се потиснуваат.
На местата каде порано стоеле брендирани сталаци или палети со производи, сега има само мали полици со производи со брз обрт, ако воопшто ги има.
Ова ги намалува можностите за добавувачите. Просторот за изложување покрај самонаплатите е ограничен, а она што постои бара повеќекратна дневна дополнување – што ја поништува главната предност на самонаплатата: ефикасноста на персоналот.
Брендовите кои зависат од купување во последен момент мораат да се прилагодат: преку активации во рафтови, промотивни пакети или дигитални кампањи преку апликации за лојалност.
Од друга страна, трговците мора да ги преиспитаат процесите за дополнување на залихи, за да не ја изгубат достапноста и маржата токму на местото на конверзија.
Посета на продавница
Нова зона со самопослужни каси со камери во „Лидл“ продавница во Германија. Јасниот распоред ги заменува традиционалните каси со ленти.
Купувачите се информирани дека самопослужните каси прифаќаат исклучиво картички или Lidl Pay – плаќање со готовина не е можно, со што дополнително се нагласува дигиталниот пристап.
Дискретна камера поставена над екранот овозможува следење во реално време и репродукција на снимката во случај на потреба.
Купувачите се гледаат себеси во живо на екранот, што го засилува чувството на надзор и одвраќа од обид за измама.
Во случај на неправилност, системот ја паузира трансакцијата и повикува вработен за асистенција.
Импулсната зона е тесна, со ограничен број артикли и чести рачни дополнувања.
Во некои продавници, воопшто не се поставени импулсни сталаци, па новите зони со самонаплата остануваат без традиционалните промотивни зони.
Себастијан Ренак е основач на „Алетос ритеил адвајсори“, меѓународен аналитичар и поранешен меѓународен дописник на Lebensmittel Zeitung (LZ), водечки економски неделник за FMCG–секторот. Има големо практично искуство во индустријата како поранешен член на оперативните тимови на „Шварц груп“ и „Метро груп“ во Полска, Украина и Русија.
.webp&w=1920&q=100)
