Хрватска ќе избира „најдобар производ на годината“ за 2019-та

 

По успешната 2018, со второто доделување на ова признание во Хрватска и првото во Србија, изборот веќе добива и регионален карактер. Избраниот „производ на годината" е препознатлив по црвен печат за квалитет и иновација на производот, но и за задоволство на купувачите.

 

Оваа година, со титулата можат да се пофалат вкупно 17 производи на хрватски и на странски производители, кои самите потрошувачи ги истакнаа како најдобри на полиците во маркетите, учествувајќи во истражувањето на јавното мислење кое го спроведе агенцијата „Нилсен". Новиот циклус на номинација, штотуку почнат, е уште поамбициозен и ќе биде најголем до сега - бидејќи номинациите се шират и на други сектори освен на малопродажбата, како што се банкарство, телекомуникации и слично. 

 

Сите заинтересирани производители со својот производ или услуга, кој го сметаат за иновативен и добар за потрошувачите, можат да пријават на официјалната интернет страница „Избран производ на годината" и така да конкурираат за реномираниот црвен печат. 

 

„Избран производ на годината" е најголема светска награда изгласана од страна на потрошувачите, за иновација на производ или услуга за широка потрошувачка. Маркетиншкиот концепт е смислен во Франција во 1987 година. Сега се спроведува во повеќе од 40 најразвиени држави во светот со иста цел:да ги советува потрошувачите за најновите производи на пазарот и да ги награди производителите за квалитет и за иновативност.