Црна Гора: „Воли“ отвори нова продавница во Подгорица

Трговскиот синџир „Воли“ отвори нова take&go продавница „изВолите“ во Подгорица на адреса Крал Никола 9.

Во понудата на продавницата покрај разните видови на кафе, свежо цедените сокови и смутија, ќе има и свежо подготвени овошни и зеленчукови салати, но и специјалитети од скара, хамбургери, колбаси, разни видови на месо, а асортиманот е дополнет и со нови производи.

Кога почнавме да имплементираме нов концепт во „Воли“ маркетите, воведувајќи новини како Take & Go или храна за носење, се покажа дека ова е омилениот дел од продавницата меѓу нашите потрошувачи и дека оваа понуда привлече посебно внимание. Така, со години го развиваме и подобруваме овој концепт и ја прошируваме нашата понуда, која сега вклучува вегански и вегетаријански производи, како и скара и колачи, изјави Оливера Лакониќ, маркетинг директор на „Воли“.

Задоволство ми е да го претставам новиот „изВолите“ Take&Go во име на компанијата „Воли“. Она што го издвојува овој Take & Go од другите е неговиот специјализиран и проширен асортиман. Ги искористивме сите ресурси на нашата компанија, во форма на производство на месо, овошје и зеленчук на „Воли“ и колачи под брендот Slatko srce, за да им обезбедиме на потрошувачите производи со највисок квалитет по пристапни цени. Сите овие ресурси ни овозможија да создадеме единствена понуда во која нашите потрошувачи ќе можат да уживаат, изјави Марко Бокан, регионален менаџер на „Воли“.

Тој додава дека еден од новитетите во палетата е и пицата Наполитана. Компанијата соработуваше со италијанскиот пица мајстор Лучијано Сорбило, кој ја подготви познатата неаполска пица за потрошувачите на денот на отворањето на продавницата и деновите што следеа, и кој ги обучуваше пица мајсторите во новата продавница „изВолите“.

Извор: InStore.rs

Фото: „Воли“