„Нестле“ во Бугарија отвори фабрика за производство на KitKat

Компанијата „Нестле“ отвори нов производствен капацитет за KitKat во Софија, кој ќе стане и европски центар за производство на ова чоколадо.

Фабриката, отворена како дел од инвестицијата вредна 44,3 милиони евра, е резултат на зголемениот интерес за KitKat, како во Бугарија, така и низ Европа и светот, се вели во соопштението на компанијата.

Оваа инвестиција е потврда за големата доверба што групацијата „Нестле“ ја има во нашиот тим во Бугарија, дополнително потврдувајќи ја стручноста на нашата фабрика во Софија како иновативен центар за развој на чоколадни производи. Голема чест е да се види бренд како KitKat да го започнува своето ново поглавје токму тука и да донесе уште порадосни моменти на милиони луѓе ширум светот, изјави Петар Стоилов, извршен директор на „Нестле“ -  Бугарија.

Новиот производствен капацитет се протега на површина од повеќе од 3.250 метри квадратни и е опремен со најсовремени машини кои произведуваат 420 чоколада во минута.

Иновативната технологија овозможува намалување на потрошувачката на гас до 30%, потрошувачката на вода за 67%, додека вкупниот јаглероден отпечаток е намален за 30%, а целото пакување може целосно да се рециклира.

Производите произведени во оваа фабрика се извезуваат на 17 пазари ширум светот, вклучувајќи ги Велика Британија, Франција, Италија и Канада. Благодарение на проширувањето, фабриката отвори 70 нови работни места.

На свеченото отворање покрај претставниците на Владата пристуни беа и претседателот на Бугарско – Швајцарската  трговска комора, Ролф От, заменик шефот на швајцарската мисија во Бугарија, Алесандро Занели, извршниот директор на „Нестле“ за југоисточниот пазар и Жуилиаме Ле Кнуф, главен извршен директор на компанијата „Нестле“ за Европа.

Извор: InStore.rs

Фото: „Нестле“