Хрватска: „Краш“ бележи пораст на приходите и добивката

Според неревидираните финансиски резултати,  групацијата „Краш“ во 2024 година остварила консолидирани приходи во износ од 191,77 милиони евра, што е за 11,88 милиони евра или 6,6% во однос на една година претходно.

Вкупните консолидирани расходи се за 6,1% повисоки од лани и изнесуваат 181,94 милиони евра, додека обемот на продажба на кондиторската палета достигна 37.002 тони, што е за 101 тон или 0,3% повеќе во однос на истиот период во 2023 година, се вели во соопштението на компанијата.

Групацијата оствари нето добивка од 8,14 милиони евра, што е за 1,42 милиони евра повеќе од една година порано. EBITDA се зголеми за 7,2% на 19,30 милиони евра, додека EBITDA маржата падна за 0,2 процентни поени на 11%.

И покрај позитивните резултати што ги постигна „Краш“, 2024 година беше многу предизвикувачка година за кондиторската индустрија. Глобалните пореметувања на цената на какаото, нашата клучна суровина, продолжуваат да создаваат значителен притисок, така што ќе продолжиме со внатрешни мерки за намалување на трошоците во наредниот период, со цел да продолжиме да им обезбедуваме на нашите потрошувачи препознатливите вкусови на производите на „Краш“, без отстапување од високиот квалитет што е наш приоритет повеќе од еден век, изјави  Маријана Кнежевиќ – Тудиќ, претседателка на Управата на „Краш“.

Извор/Фото: InStore.rs