Србија: „Нелт група“ ја засилува својата интермодална транспортна мрежа

„Нелт група“ го вклучи железничкиот транспорт во својата интермодална транспортна мрежа преку сервисот на јавните возови. Со овој начин, комбинацијата на поморскиот, железничкиот и патниот сообраќај ќе биде фокусирана на уште поголема одржливост, ефикасност и доверба во транспортот на робата.

Робата во контејнери ќе се превезува со директна железничка линија меѓу Риека и интермодалните терминали на „Нелт“ во Добановци и Крушевац. На неделно ниво на оваа линија сообраќаат два воза.

Овој сервис е погоден за клиентите од различни индустрии затоа што претставува логистичка поддршка за нивниот бизнис. Железничкиот транспорт е еколошки прифатливо и финансиски исплатливо транспортно решение. Со воведувањето на јавниот воз во нашиот интермодален транспорт, покрај што ја засилуваме нашата мрежа, ја подобруваме отпорноста на синџирот на снабдување и ги оптимизираме трошоците за транспорт, изјави Јелена Јовановиќ, менаџерка за продажба и развој на интермодалниот транспорт на „Нелт група“.

Јавниот воз на „Нелт“ е отворен за сите учесници во синџирот на снабдување за потребите на извозот увозот на роба, додека терминалите се отворени за сите актери на пазарот, од бродарските куќи и железничките оператори, преку логистичарите, шпедитерските куќи до произведувачите, сопствениците на брендови и другите дистрибутери.

Извор: InStore.rs

Фото: Pexels