Регион

„Конзум“ ја отвори првата смарт продавница во регионот

27 Sep 2023

Модерната, иновативна продавница без каси и скенирање на артикли е целосно приспособена на потрошувачите, а вратите ги отвори на 20 септември во Загреб.

Во првата смарт продавница без каса отворена во регионот, на Курелчева 1 во Загреб, потрошувачите можат да го внесат и скенираат QR кодот од мобилната апликација Konzu, да ги земат саканите артикли од полиците и едноставно да заминат. Плаќањето за купените артикли ќе се врши автоматски преку сметката на дебитната или кредитната картичка внесена од потрошувачот во апликацијата, а сметката ќе биде испратена нао апликацијата и на е-меил.

Системот за апликации функционира како „дигитален паричник“ и на потрошувачите од сите генерации им овозможува супериорно искуство за купување.

Оваа продавница е вистинска потврда за нашата улога на лидер на пазарот - го постигнува максимумот во секојдневниот бизнис, во корист на потрошувачите и пазарот, притоа секогаш земајќи го предвид идниот развој. Така минатата недела „Конзум“ беше пред сите во намалувањето на цената за да се намали инфлацијата во Хрватска, а сега првата автоматизирана продавница во Хрватска ги отвора вратите на пазарот. Овој чекор е целосно усогласен со плановите за технолошка трансформација и дигитализација, кои се еден од четирите чекори на развојната стратегија на „Фортенова“, изјави Фабрис Перушко, член на Одборот на директори и извршен директор на Групацијата Фортенова.

Зоран Митрески, извршен директор на „Фортенова ритеил груп“ и претседател на Управниот одбор на „Конзум“ нагласи дека со отворањето на првата смарт продавница во Југоисточна Европа, покажуваат дека „Конзум“ е лидер во трендовите и иновациите.

Со цел да останеме неприкосновен лидер на пазарот и прв избор за вработените и за потрошувачите, континуирано инвестираме во модернизација на нашата малопродажна мрежа, вклучувајќи целосно нови концепти како што е овој. Со секој нов технолошки напредок, „Конзум“ станува синоним за модерен начин на пазарење за целото семејство, додаде Митрески.

Во новата продавница птрошувачите ќе можат да изберат прехранбени и непрехранбени производи, како и предмети за домаќинството од широк асортиман. Асортиманот брои повеќе од 1.700 широко користени артикли, со акцент на свежиот оддел, пијалаци и асортиманот TO GO.

Компанијата воведе плаќања со криптовалути, прво онлајн, а потоа и во физички продавници, а потрошувачите во продавниците можат да плаќаат преку апликацијата KEKS Pay.

tags:

#Конзум #смарт продавница

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.

Се вчитува следна вест...

Најчитано

	Македонија Потребни ли се промени на Законот за забрана на нефер трговски практики? 13 Nov 2024
	Анализи Германија: „Лидл“ се враќа кон своите корени 13 Nov 2024
	Македонија „Вивакс“ продолжува со сопствена преработка на овошје, во тек е откупот на јаболка 15 Nov 2024
	Регионално Јелена Круниќ: Предноста на „малите“ трговци е разбирањето на потрошувачите и брзата промена 13 Nov 2024
	Свет САД: „Херши“ ги намали прогнозите за третиот квартал 14 Nov 2024
	Регион Србија: „Бамби“ повторно започна да ја произведува Plаzma во својата фабрика во Пожаревац 18 Nov 2024