„Бамби“ донира 11 тони производи

Во Србија на граница на апсолутно сиромаштво живеат околу 446 илјади луѓе кои директно зависат од донации во храна, додека од друга страна се фрлаат по 2 милиони килограми храна. Водејќи се од овој факт, лани беше покрената кампања за зголемување на донациите во храна „Да ја спасиме храната, да ја спасиме хуманоста“, а од почетокот на оваа иницијатива компанијата „ Бамби“ донираше повеќе од 11 тони производи на најзагрозените семејства во Србија. 

Во годината кога славиме 55 години работење, помогнавме со донации за Банките за храна во Белград, Војводина и Ниш. Покрај донација на наши производи, отстапивме и медиумски простор со цел дополнителна поддршка на кампањата и кревање на свеста кај населението за проблемот со прекумерна количина фрлена храна, изјави Иван Јовановиќ, менаџер за корпоративни комуникации во „Бамби“. 

Веќе втора година по ред „Бамби“ е добитник на благодарницата од страна на Српскиот филантропски форум и Коалицијата за хуманост за значителен придинес во кампањата „Да ја спасиме храната, да ја спасиме хуманоста“. Во тек на два циклуси беа собрани повеќе од 112 тони храна, а „Бамби“ во вкупно донираната количина учествуваше со дури 10 отсто.