Регион

„Фортенова“ ги продаде „Ледо“ и „Фриком“

31 мар 2021

Групацијата „Фортенова“ и „Номад фудс лимитед“ потпишаа купопродажен договор за сегментот „смрзната храна“, кој се состои од компаниите „Ледо плус“(Хрватска), „Ледо читлук“ (БиХ) и „Фриком“, како и неколку помали поврзани компании. Договорот е вреден 615 милиони евра, соопштија од „Фортенова“. 

Заклучувањето на трансакцијата е планирано за третото тримесечје од 2021 година.По заклучувањето, „Номад фудс“ ќе стане сопственик на сегментот „смрзната храна“ кој е силно препознатлив меѓу потрошувачите во Хрватска, Србија, Босна и Херцеговина и уште неколку земји во Југоисточна Европа. Со традиција подолга од половина век, овој сегмент е најголем производител и дистрибутер на сладолед и замрзната храна на пазарите на кои работи. 

Завршувањето на трансакцијата ќе зависи од регулаторните одобрувања на меродавните пазари и од одобрувањето на акционерите на „Фортенова“. Управниот одбор на групацијата, кој ги вклучува најголемите акционери, едногласно го поддржа купопродажниот договор со „Номад фудс“. 

Нашиот сегмент „смрзната храна“ е лидер во регионот во кој работиме и драго ми е што во овој процес на продажба ја остваривме главната цел - да се заклучи оваа трансакција со стратешки партнер кој ќе даде максимален придонес за натамошен развој и ќе ја препознае вредноста и потенцијалот на оваа дејност, како и на луѓето во неа, изјави Фабрис Перушко, главен извршен директор на „Фортенова“.  

„Номад фудс“ е водечки европски производител на смрзната храна кој има познати брендови како Iglo, Birds Ey, Findus, кои се продаваат во 13 европски земји. Седиштето на компанијата е во Велика Британија, а акциите на компанијата котираат на њујоршката берза.  



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Србија ги отвора трговските центри во понеделник

06 апр 2021

„Симка“ ќе почне со производство до крајот на годината

06 апр 2021

Матео Коланѓели e новиот директор на ЕБОР за Западен Балкан

06 апр 2021

„Нелт“ објави конкурс за програмата „Добар почеток 6“

06 апр 2021

Словенија со највисока стапка на невработеност од почетокот на пандемијата

06 апр 2021

„Мепас“ - нов дистрибутер на „Звијезда“, „Дијамант“ и „Беље“

06 апр 2021
Вчитува уште новости...