Отворен првиот „Мере“ во Србија

Утринава рускиот трговски синџир дисконти „Meре“ го отвори својот прв маркет во Србија, во белградската населба Батајница, на улицата пол. Миленко Павловиќ.

Како што и претходно што беше објавувано во медиумите, во втората половина на јануари  ќе бидат отворени маркети „Мере“ во Вршац, Суботица, Крушевац и Краљево.

Компанијата што ги отвора маркетите под брендот „Мере“, влезе на српскиот пазар со идеја да отвори 100 маркети низ цела Србија. Нашите директори и менаџери за развој ги разгледуваат сите места во Србија за отворање на продажни места. Ние сме компанија што не гради нови објекти за маркетите и не купува земјиште, туку наоѓаме постојни објекти кои треба да исполнуваат одредени критериуми, изјави ПР-менаџерот на „Мере“, Антонела Бијелиќ Милојица, за Б92.

Кога станува збор за бројот на вработени, како што додава, тој ќе варира во зависност од објектот и местото.

Што се однесува до цените, таа изјави: Нашата стратегија е „Ниски цени секој ден“ и тоа е она што луѓето сигурно и секогаш ќе го имаат со нас. А, тие ниски цени се однесуваат на сите производи што ќе се продаваат во нашата земја.

Бијелиќ Милојица објасни дека овие маркети овозможуваат развој и видливост на некои помали брендови, можеби непознати и недостапни во големите трговски синџири. Покрај тоа, постојат категории производи што не се продаваат во „Мере“, што исто така зборува за различната структура на работа што тие ја имаат. Меѓудругото, овој синџир маркети ќе стави акцент на директната соработка со малите производители кои можат да понудат одличен квалитет по пониски цени.