Македонија

„Веро“: Ново работно време и повластен термин за пазарување за ранливите граѓани

23 Mar 2020

Согласно најновата мерка на Владата за ограничување на движењето на граѓаните, „Веро“ воведува ново работно време од 8 до 19 часот секој ден. Дополнително, синџирот маркети ќе има и повластен термин во денот за пазарување во кој приоритет за влегување во маркетот и на каса ќе имаат пензионери, бремени жени, лица со инвалидитет, за да им овозможи поголема заштита на најранливите категории граѓани и да се избегне нивното изложување на поголем ризик.

Безбедноста на потрошувачите и на нашите вработени е наш највисок приоритет. Вложуваме максимални напори сите потрошувачи да се чувствуваат добредојдени и безбедни во нашите маркети и сакаме да им овозможиме во секое време да се снабдат со сите неопходни производи за нивните потреби. Воедно апелирам на совесност и разбирање од страна на помладите потрошувачи во наведениот термин да им дадат предност на ранливите категории потрошувачи на кои помошта и поддршката во овие моменти им е најпотребна, вели Петар Денковски, генерален директор на „Веро“.

Од „Веро“ велат дека и покрај скратеното работно време, маркетите продолжуваат нормално да функционираат, има доволно залихи од основните производи, а редовното снабдување се одвива без никаков застој во соработка со добавувачите. Хигиенската превенција се одржува на највисоко ниво така што маркетите комплетно се чистат секојдневно, а во текот на денот постојано се дезинфицираат количките и корпите за пазарување, просторот кај касите, полиците и останатите најизложени делови од маркетите. „Веро“ обезбеди гелови за дезинфекција и заштитни ракавици за сите потрошувачи кои се поставени на влезовите, низ маркетите се поставени известувања за потрошувачите за поголема безбедност, а означени се и места за стоење на препорачаното безбедно растојание од два метра.

tags:

#Веро #работно време #коронавирус

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.

Се вчитува следна вест...

Најчитано

	Македонија Нов леб со кисело тесто од „Жито Лукс“ 11 Sep 2024
	Актуелно Лажни бројки за вистинска економија? 11 Sep 2024
	Регионално Марина Хадровиќ: Нашите производи се квалитет, емоција и вкус 11 Sep 2024
	Анализи Обединето Кралство: „Алди“ со рекордна инвестиција во ширењето на продажната мрежа 11 Sep 2024
	Анализи „Лидл“ извезува свинско месо произведено во Германија 13 Sep 2024
	Македонија „Вива“ ја претстави новата категорија на производи – Viva la Cucina 17 Sep 2024