Традиционална крводарителска акција на „Рамстор“

По повод 14. роденден на „Рамстор“ – Македонија, во соработка  со Црвениот крст и со Заводот за трансфузиологија, компанијата вчера организира крводарителска акција под мотото „Рециклирај се, дарувај крв“.

Дарувањето крв е должност на секој човек, а како компанија, придаваме огромно значење на општествено одговорните активности, кои додаваат вредност на општеството во кое живееме. Би сакал да му се заблагодарам најпрвин на тимот на  Црвениот крст, кој најсовесно ја извршува својата работа, а потоа и на сите вработени и соработници што беа дел од крводарителската акција и ја покажаа својата хуманост,  изјави Ајхан Узун, генерален директор на „Рамстор“ – Македонија.

Тој додава дека компанијата ќе продолжи со слични општествено одговорни проекти, бидејќи веруваат дека секоја донација е корисна и за сопственото здравје, но и за болните на кои им е најпотребна.