Промена во Управниот одбор на „Жито лукс“

Од позицијата потпретседател на Управниот одбор и заменик генерален директор, заминува Георгиос Василакис, а на негово место доаѓа Наташа Черековиќ. Таа е назначена за в.д потпретседател на Управниот одбор и заменик генерален директор. 

Наташа Черековиќ досега беше член на Управниот одбор, задолжена за комерцијални и технички прашања. Таа е дипломиран економист, а во „Жито лукс" е од 2005 година, прво на позицијата асистент на генералниот директор за технички прашања, а подоцна, во 2006 година, ја зазема позицијата менаџер за технички прашања, за една година подоцна да ја преземе позицијата менаџер за продажба. Од 2009 година е член на Управниот одбор, одговорна за комерцијални и технички прашања.