Официјално отворен првиот европски дигитален иновациски Хаб во Македонија

Во петокот официјално беше отворен првиот „ИНОФЕИТ ЕДИХ“- Европски дигитален иновациски хаб во Македонија. Сојузот на стопански комори е партнер на конзорциумот составен од трите универзитети УКИМ,УГД,УКЛО, како и останати проектни партнери-приватни компании,со вкупен буџет од 2.000.000 евра, кој се реализира со поддршка од 50% учество на државата и 50% учество на Европската унија.

Овој хаб претставува значаен чекор кон модернизација на економијата,дигитализација на бизнисите и зголемување на конкурентноста на македонските компании на европско и глобално ниво.

Еден од клучните партнери на овој проект е Сојузот на стопански комори на Македонија,кој активно работи на создавање поволна деловна средина,олеснување на пристапот до финансии за компаниите и градење на мрежа што ќе овозможи побрз економски раст.

Овој хаб ќе биде центар за иновации, дигитализација и претприемништво, кој ќе им овозможи на малите и средни претпријатија, стартапите и истражувачките институции пристап до напредни технологии и знаење, кој ќе нуди: поддршка за дигитална трансформација на компаниите, современа инфраструктура и пристап до најновите технологии, обуки, менторски програми и правна поддршка за стартапи и бизниси, поврзување со инвеститори и партнери од земјата и странство. Со отворањето на првиот Европски дигитален иновациски хаб се очекува: Зголемена конкурентност на домашните компании на европскиот пазар, забрзана дигитална трансформација на македонската економија, привлекување на домашни и странски инвестиции во технолошкиот сектор,поддршка за развој на нови,иновативни производи и услуги, создавање можности за младите и поттикнување на претприемничкиот дух

Во наредниот период, компаниите,стартапите и индивидуалните претприемачи ќе имаат можност да се информираат за начините на аплицирање и искористување на ресурсите што ги нуди хабот.Ова е одлична шанса за сите кои сакаат да го дигитализираат својот бизнис,да иновираат и да бидат дел од европските трендови во претприемништвото.

Извор/Фото: Сојуз на стопански комори на Македонија