Општина Центар и „Рамстор“ се обединија за да го означат крајот на 2024 година

„Рамстор“ како долгогодишен пријател на Општина Центар и оваа година беше дел од креирање  и организирање на многу настани за поддршка на образовни проекти.

Во новата 2025 година, со финансиска поддршка на „Рамстор“, ОУ „Cв.Кирил и Методиј” ќе добие нова и целосно опремена сензорна соба.

Со оваа инвестиција, создаваме подобро инклузивно образование во Општина Центар и подобри услови за развој на нашите деца. Ви благодарам „Рамстор“ и во оваа прилика би сакал и јавно да и доделам признание на генерална директорка на „Рамстор“ - Македонија г-а Даниела Адемоска за досегашната соработка и реализираните проекти, за кои сум сигурен дека продолжуваат и во иднина, истакна градоначалникот на Општина Центар, Горан Герасимовски.

Во своето обраќање Генералната директорка и сопственичка на „Рамстор“ г-а Даниела Адемоска  се заблагодари  на градоначалникот на Општина Центар Горан Герасимовски.

„Рамстор“ како компанија  ја препознава важноста на овој вид на вклучување во општествено одговорни проекти бидејќи ние не само што инвестираме во сопствениот развој, туку и во развојот на општеството во целина, затоа што инвестирањето во инклузивно образование е  симбол на подготвеност да се гради заедно кон еднакви можности за сите, истакна Даниела Адемоска.

Со оваа благодарница, сакаме да  го изразиме нашето искрено признание до Општина Центар за  заложбите кои ги вложувате во развојот на образовните проекти во нашата заедница. Голема благодарност до сите присутни на настанот, нашите верни пријатели од „Трисомија“ „21“, „Доза Среќа“ и другарчињата од ОУ.Св.Кирил и Методиј и секако  златните славејчиња за прекрасниот настап, соопштуваат од „Рамстор“.