Над 600 производи се дел од новогодишната потрошувачка кошничка

 Над 600 прехранбени производи се дел од новогодишната кошничка која ја подготви Владата , како поддршка за граѓаните во пресрет на празничниот период.

На денешната прес конференција премиерот Христијан Мицкоски истакна дека оваа акција започнува на 15 декември и ќе трае се до 15 јануари.

Според премиерот мерката е усогласена со бизнис секторот и има за цел олеснување на потрошувачката во текот на празниците.

Направивме нешто што досега можеби никогаш не е направено. Разговаравме извесен период и дојдовме до конкретен предлог дека во периодот од 15 декември па се до 15 јануари цените на повеќе артикли ќе бидат намалени, изјави Мицкоски.

Како што истакна премиерот ова не е направено со интервентна мерка на Владата па затоа нема да има казни туку само мониторинг за тоа дали ќе има залепено налепници.

Извор: Тв 21

Фото: Pexels