Наградна игра - „За среќно лето со Веро“

„Веро“ најави наградна игра за потрошувачите со многу вредни награди - „За среќно лето со Веро“. Со ова трговецот го одбележува својот роденденски јубилеј и во која најсреќниот ќе си замине дома со автомобил Peugeot 308.

Наградната игра е во тек и ќе трае до 30 јули. Во овој период, секоја сабота ќе се извлекуваат добитници на повеќе вредни неделни награди, односно на еден електричен тротинет, еден телевизор, по еден машки и женски велосипед, еден мобилен телефон, еден рачен часовник, пет вредносни ваучери од 2.000 денари, пет вредносни ваучери од 1.000 денари и на пет сетови прибор за јадење. 

Право на учество во наградната игра имаат сите полнолетни потрошувачи во маркетите „Веро“ кои ќе направат сметка од 300 денари од означените промотивни производи. Јавните извлекувања на добитниците на неделните награди ќе се одржуваат секоја сабота во „Веро центар“. Главното извлекување е закажано за 30 јули, кога ќе се додели автомобил Peugeot 308 и скутер Hamachi ILBELLO 50.