Македонија

ССКМ: Петтиот пакет на економски мерки да се донесе во јануари

11 јан 2021

Од Сојузот на стопански комори на Македонија (ССКМ) апелираат Владата да го донесе петтиот пакет на економски мерки во јануари, со цел да се обезбеди предвидливост и сигурност што е важно за планирање на активностите на економските субјекти во претстојниот период.

Според ССКМ, неопходно е и да се подобри динамиката на имплементација на мерките од четвртиот пакет, бидејќи некои од нив, како таа за државната кредитна гаранција, сѐ уште не се реализирани. Тоа е важно, за да нема прекин кај економските оператори кои немаат воопшто никакви или имаат значително намалени приходи поради рестриктивните мерки и на кои овие средства им се неопходни за да се зачуваат работните места.

Директна, таргетирана финансиска помош во следните месеци е неопходна за опстојување и покривање на основните месечни трошоци. Потребно е и да се овозможи на оние на кои им е тоа неопходно, одложување или репрограмирање на кредитите, аконтациите за даноци и другите оптоварувања, минимум до крајот на годината, соопштија од ССКМ.

Од таму велат дека економските мерки за поддршка на стопанството и намалување на штетните последици од кризата треба да имаат континуитет, бидејќи само така може да се одржи економската активност на што поголем број правни субјекти и да се избегне загубата на работни места.

Продолжување на финансиската помош за исплата на плата, неповратната финансиска помош како и бескаматните кредити се приоритетните мерки кои реалниот сектор очекува да продолжат и да траат најмалку до април. Во анкетата на ССКМ, деловните субјекти бараат петтиот пакет на економски мерки да содржи мерки за одржување на ликвидноста, за даночно олеснување и одложување на даночните обврски, како и субвенции за задржување на вработените, соопштија од ССКМ и најавија дека до Владата ќе ги достават предлозите од претпријатијата за петтиот пакет на економски мерки.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



ССМ: Субвенциите за новиот пакет мерки да се дадат директно на работниците

12 јан 2021

Од 21 јануари угостителите ќе работат до 21 часот

12 јан 2021

„Бучен Козјак“ во соработка со Мој воздух постави мерни станици во повеќе градови

12 јан 2021

СКСЗМ: Корона-кризата згасна над 4.000 компании

12 јан 2021

„Соко Горица“ доби финансиска поддршка за развој на нови технологии

12 јан 2021

Земјава годинава домаќин на Балканскиот интернационален вински натпревар

12 јан 2021
Вчитува уште новости...