Олаф Кох се повлекува од „Метро“

Надзорниот одбор на „Метро“ ја прифати раната оставка на Олаф Кох, досегашниот извршен директор на компанијата, која ќе стапи на сила на 31 декември 2020 година и договори процес за избор на негов наследник. 

На вонредната седница одржана на 23 август, Надзорниот одбор го одобри двостраниот раскин на договорот, му заблагодари на Олаф Кох за досегашните услуги и договори уредна постапка за избор на нов извршен директор. 

Надзорниот одбор искажа благодарност кон Кох за досегашните постигнувања: како главен финансиски директор од 2009 година и како главен извршен директор од 2012 година, тој ја извади компанијата од значителни долгови и истовремено покрена процес за трансформација на „Метро“ од конломерат во целосен големотрговец. Дополнително, го прошири портфолиото на услугата „испорака на храна“, дигитални апликации и на други услуги. 

Му благодарам на Надзорниот одбор на неговата согласност предвреме да го раскине мојот договор и да ја обезбеди мојата целосна посветеност на „Метро“ до крајот на годинава, изјави Кох.