Анализи

Нилсен: Кој е кој меѓу приватните трговски марки во Европа

20 мај 2020

Приватните трговски марки продолжуваат да освојуваат сè поголем пазарен удел низ цела Европа.

Последните податоци на „Нилсен“ покажуваат дека пазарниот удел на трговските брендови минатата година бил поголем од 30% во сите земји (19) што се опфатени со истражувањето. На британскиот и на германскиот пазар уделот изнесувал повеќе од 40%, а во Франција релиси еден од секои три производи што се продаваат е приватна трговска марка.

Во Италија пазарниот удел се зголемил за 2 поена, што претставува најголем пораст досега. Едно од најголемите зголемувања е забележано во Холандија, каде што уделот достигнал до 37%. Во Белгија пазарниот удел на трговските марки достигна до 44%.

Шпанија и Португалија, исто така, останаа два многу силни пазари за трговските марки. Половината од сите производи што се продаваат во Шпанија се трговски брендови, додека во Португалија нивниот пазарен удел е повеќе од 43%.

Во Централна и Источна Европа, ситуацијата е следнава: уделот во Австрија е повеќе од 40%, а во Полска, Унгарија, Чешка и во Словачака – тој е над 30%. Најголем пораст е остварен во Чешка, а во Швајцарија приватните трговски марки се половина од производите што се продаваат во земјата.

Првото место во Скандинавија го држи Норвешка (34%). Уделот во Шведска се зголеми на 33%, а во Финска остана на нешто над 30%.

Во Средоземјето, пазарниот удел на приватните трговски марки е повеќе од 31% во Турција и во Грција. Голем пораст беше забележан во Турција, каде уделот првпат надмина 30%.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Еуромонитор: Што, кога и како се купува?

25 апр 2020

Керни: Како генерацијата Z влијае врз малопродажбата?

25 апр 2020

Делоит: Во ек на двојната криза

25 апр 2020

FFI: Иднината на трговијата по Ковид-19

25 апр 2020

Инсајдер ИД: Ковид-19 – можност или бариера за економиите во развој, петти дел

25 апр 2020

Инсајдер ИД: Ковид-19 – можност или бариера за економиите во развој, четврти дел

25 апр 2020
Вчитува уште новости...