Masterclass со Tony Durham Бихејвиористичката наука во функција на успешните бизниси

Ексклузивно ви најавуваме - Tony Durham на 2 април 2025 година повторно во Скопје, со обука наменета за професионалци за продажба и маркетинг. Како однесувањето на потрошувачите да го ставите во функција на врвни деловни резултати. Запознајте ги вашите потрошувачи подобро и носете прецизни бизнис одлуки.

• LinkedIn профил на Tony Durham
• 35 години на раководни позиции во компанијата P&G
• Последната деценија од кариерата во оваа компанија ја обележува неговата работа на позицијата директор на SBD (Shopper Based Design) за регионот на Европа, Индија, Африка и Блискиот Исток.

ОБУКАТА Е НАМЕНЕТА ЗА

• професионалци за продажба 
• професионалци за маркетинг
• професионалци за трејд маркетинг

Користејќи ја рамката MINDSPACER обуката ќе им помогне на учесниците да разберат како човечките предрасуди и наученото однесување може да се искористат за да се подобрат резултатите од продажбата и маркетингот, а истовремено да се подобри задоволството на купувачите и потрошувачите.

Messenger │Кој ја пренесува пораката: Потрошувачите се под силно влијание на тоа од кого ги добиваат информациите.

Incentives │ Тригери: Однесување предизвикано од широк спектар на стимулации кои можат силно да влијаат на одлуките при купување.

Norms │ Општествени норми: Потрошувачите се под силно влијание од однесувањето на другите.

Defaults │ Повторувачки одлуки: Ги избираме опциите кои се веќе претходно понудени. Го избегнуваме напорот за донесување на нова одлука.

Salience │ Истакнување: Вниманието на потрошувачите е насочено кон тоа што е ново, невообичаено и е релевантно за нив.

Priming │ Подсвесни влијанија: Одлуките за купување се обликувани од подсвесни влијанија и информации.

Affect │ Емоционално влијание: Емоциите на потрошувачите моќно ги формираат нивните одлуки и нивното однесување.

Commitments │ Заложби: Потрошувачите се стремат да бидат доследни на нивните јавни ветувања и однесување.

Ego │ Его: Однесувањето е водено од потребата да се чувствуваме подобро во врска со себе си.

Reciprocity │ Реципроцитет: Чувствуваме обврска да возвратиме на услугите кои се направени за нас.

ЗА ПРЕДАВАЧОТ

Tony Durham е светски признат експерт за психологија и однесување на купувачите. Кариерата ја почнува  во 1982 година во Procter & Gamble, каде што го стекнува своето експертско искуство цели 35 години. За време на неговото работење во P&G, Durham обучувал некои од водечките светски менаџери на брендови за тоа како би можеле да го променат својот бизнис за подобро да ги сфатат потребите на купувачите и да го зголемат профитот.

Последната деценија од неговата работа во оваа компанија ја обележува неговата работа на позицијата директор на SBD (Shopper Based Design) за регионот на Европа, Индија, Африка и Блискиот Исток.

Следниот голем чекор во неговата кариера е развивањето на концептот на регионалните центри  „First Moment of Truth (FMOT)” кои имаат за цел да ги подигнат стандардите во трговијата преку собирање и користење на најдобрите практики и релевантни знаења за однесувањето на купувачите. Со време, овие центри стануваат место каде што компаниите можеа да ја тестираат ефикасноста на своите идеи со помош на физички инсталации и виртуелна реалност. Денеска овие центри се присутни низ светот и претставуваат важен адут за многу светски компании.

Во 2017 година Durham основа консултантска компанија, Tony Durham Consulting Limited, со цел да им помогне на компаниите да развијат стратегии и да ги зголемат приходите.

Цена по учесник:  299 евра (ДДВ не е вклучен во цената)

Пријавување на: meri@instore.mk; edukacija@instore.mk

Телефон: 071 262 441, Мери Каталиниќ

* Обуката ќе биде на англиски јазик без превод.