Свет

Словенија донесе закон за неработни недели и празници

01 окт 2020

Продавниците во Словенија ќе бидат затворени во недела и државни празници во иднина, откако за две недели ќе стапи на сила законот што беше усвоен од парламентот и за кој гласаа многу пратеници од опозицијата заедно со владејачката коалиција.

Како исклучок, законот предвидува дека во недела и празници, ќе можат да работат продавниците со површина помала од 200 квадратни метри, како и продавниците во рамките на болниците и бензинските пумпи, оние на граничните премини, на пристаништата и аеродромите, железничките и автобуските станици. Сепак, само сопствениците или хонорарно ангажираните студенти и пензионерите ќе работат во недела.

Предлог-законот беше поднесен од опозициската партија Левица пред четири месеци, во кој се тврди дека забраната за трговија во недела и празници, што се спроведуваше за време на пандемијата, треба законски да продолжи дури и по завршувањето на кризата предизвикана од коронавирусот. Тогаш немаше договор за тоа, па парламентот го прифати дури сега, кога владејачката коалиција и дел од пратениците од опозицијата се согласија со овој предлог.

За законот гласаа 72 пратеници, а 13 беа против.

На необврзувачки референдум, Словенците ја поддржаа забраната за работа на продавниците во недела уште во 2003 година, кога 57% од нив беа за забрана, а наспроти 43%. Сепак, ова го оспоруваа работодавците во Уставниот суд, па големите продавници можеа да изберат десет недели во годината кога ќе бидат затворени за клиенти, додека тие работеа и други недели.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



„Амазон“ ја отвори првата продавница без персонал надвор од САД

01 мар 2021

Во првите два месеца од 2021 година Кина го зголеми извозот за 60,6 отсто

01 мар 2021

„Жабка“ го отвори 7.000-тиот објект во Полска

01 мар 2021

Произведено вино Ковид - 19

01 мар 2021

Британските купувачи се насочуваат онлајн

01 мар 2021

Чешка: Продавниците првенствено ќе продаваат домашна храна

01 мар 2021
Вчитува уште новости...