„Аграна“ ја затвора фабриката за шеќер во Австрија

Групацијата за производство на шеќер, овошје и скроб, „Аграна“, следната година ќе затвори една од своите две фабрики во Австрија.

Ова го соопштија од компанијата по состанокот на Надзорниот одбор кој се одржа завчера. 

За 150 вработени е подготвен план за згрижување. Ќе можат да се задржат само 20 работни места. Во другата фабрика, работењето ќе продолжи како и досега.  

Погонот се затвора бидејќи во Австрија се намалија површините на кои се одгледуваше шеќерна репка. 

Оваа година, приносите од 26.000 обработлива површина се исклучително високи, па преработката е економски исплатлива. Со оглед на постоечките површини за одгледување шеќерна репка, тоа следната година нема да биде можно, па одлучивме да се концентрираме на едно место, информираа од „Аграна“. 

Според сегашните пресметки, трошоците за реструктуирање за работењето во случај на затворање на едната фабрика ќе изнесуваат до 35 милиони евра.