Голема експанзија на „Окадо“

Интернет трговецот „Окадо“ планира да инвестира дури 1,2 милијарда евра за да го прошири своето работење и дополнително да ја засили позицијата на пазарот. 

Најновите податоци покажуваат дека групацијата во тек на последните месеци ја удвои пенетрацијата на мрежата. Имено, од појавата на Ковид-19 кризата, компанијата имаше 13 отсто удел во FMCG секторот на Велика Британија. Пред пандемијата, тој процент изнесуваше 7 отсто. 

Од „Окадо“ соопштија дека глобалната пенетрација намирници на мрежата во моментов е ниска и дека овој сегмент има голем потенцијал за ширење.