„Пени“ воведе систем за скенирање во стотици продавници

Дисконтерот „Пени“, кој работи во рамки на групацијата „Реве“, им овозможи на купувачите да плаќаат преку скенирање во стотици свои продавници ширум Германија. 

Таканаречениот Scan&Go систем е достапен од 29 јуни, во многубројните продавници на „Пени“. Германскиот дисконтер сака да премине на целосно бесконтактно плаќање што е можно побргу, со цел да го елиминира чекањето во ред пред касите.  

„Пени“ е првиот дисконтер во Германија кој понуди ваков начин на плаќање. 

По влегувањето во продавницата, купувачот треба да го скенира QR-кодот на својот паметен телефон. „Пени“ овозможи бар-кодови за скенирање на сите производи, вклучувајќи го и асортиманот на свежите производи. Кога купувачот ќе заврши со пазарувањето, акликацијата креира нов QR код кој купувачот го скенира, а средствата автоматски се симнуваат од неговата банкарска картичка (неопходно е телефонот да биде синхронизиран со банкарската сметка).