Свет

Три трговски синџири ги раскинаа договорите со добавувачите на месо

01 јул 2020

Три големи трговски синџири ги раскинаа договорите со добавувачите на месо, поради поголема заштита од коронавирусот. 

Станува збор за „Лидл“ и за „Кауфланд“, кои се дел од германската групација „Шварц“, како и за трговецот „Алди“. 

„Лидл“ и „Кауфланд“ заедно ги раскинаа договорите со посредниците, вклучително кланици, производители на свежо месо, погони за пакување, како и договорите со сите производители на живина под нивна контрола. Суспензијата ќе важи до јануари 2021 година. 

Објаснувајќи ја мерката, од „Шварц“ изјавија дека сакаат да ги подобрат условите во синџирот на снабдување за да ги заштитат купувачите. 

Во оваа пандемија, месната преработувачка индустрија е под голем притисок, бидејќи во погони каде се произведува или преработува месо беа откриени најмногу случаи на зараза со вирусот. Најкритично беше во германската месна индустрија „Тонис“, каде поради заразени работници целиот регион е ставен во карантин.  



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



„Нестле“ развива пијалак од протеини на грашок

11 авг 2020

„Амазон“ ќе продава лекови во Индија

11 авг 2020

Пандемијата предизвикува глобални загуби од по 375 милијарди долари месечно

11 авг 2020

„Карлсберг“ очекува пад на оперативната добивка од 10 до 15 отсто

11 авг 2020

„Алди норд“ бара работници преку Инстаграм

11 авг 2020

Поскапува нафтата на меѓународните пазари

11 авг 2020
Вчитува уште новости...