„Шпар“ инсталира автоматски екстерни дефибрилатори

Неколку објекти на „Шпар“ во Белгија вградија автоматски екстерни дефибрилатори (АЕД) во продавниците.

Инсталираните уреди се заеднички финансирани од купувачите, кои донираа доброволно, и од сопствениците на продавниците. Уредите се инсталирани надвор од продавниците и се достапни и дење и ноќе за локалните жители. По почетниот период на испитување, иницијативата ќе се прошири на повеќе продажни места.

Инспирацијата за оваа акција потекнува од „Шпар“ – Ирска, каде што слична иницијатива постигна огромен успех, коментита Гвидо Сорет, директор за продажба во „Шпар Колрајт груп“ во Белгија.

Според Институтот за здравје во Белгија, околу 9.000 луѓе годишно доживуваат срцев удар, а од 17 до 30%, тоа се случува на јавни места. Со употребата на АЕД се зголемува веројатноста поединецот да преживее доколку добие срцев удар.