„Коти“ го продаде бизнисот за нега на коса за 4 милијарди евра

Козметичкиот гигант „Коти“ се согласи да го продаде мнозинскиот удел од бизнисот со професионалните брендови за нега на коса, вклучувајќи ги Wella и Clairol.

Купувач на линијата за нега на коса е инвестициската компанија ККР, која за оваа трансакција ќе одвои 4,3 милијарди американски долари (речиси 4 милијарди евра). Освен тоа, од ККР ќе заземат и две места во Управниот одбор на козметичкиот гигант, кој е основан во 1904 година во Париз.

Инвестициската компанија ќе купи околу 60% од уделот, што вклучува и сопственост над брендовите OPI и ghd.

За првиот финансиски квартал годинава, кој заврши на 31 март, „Коти“ соопшти за пад на продажбата за 23%, на 1,41 милијарда долари.