„Баерсдорф“ обезбеди 500 тони средства за дезинфекција во Европа

„Баерсдорф“ го засилува производството на средства за дезинфекција од медицинското одделение во рамките на својата европска производствена мрежа, со цел поддршка на колективната борба на општеството против пандемијата предизвикана од вирусот корона.

За почеток, „Баерсдорф“ итно ќе обезбеди 500 тони средства за дезинфекција на критичните служби за итни медицински случаи, како и за болничкиот персонал. Санитетските медицински производи се произведуваат во производствените погони на компанијата во Хамбург, Валдхајм (Саксонија/Германија) и Трес Кантос во близина на Мадрид, Шпанија.

Компанијата е во тесна координација со локалните власти, а дистрибуцијата првенствено е насочена кон клиниките и болниците, за медицинскиот персонал. Целта е да се обезбеди најбрза и најефикасна испорака на санитарни средства директно од фабриката до медицинскиот персонал за итни случаи.

Минатата недела „Баерсдорф“ создаде технички предуслови за производство на средствата за дезинфекција и сега почнува со сериско производство.