„7-Елевен“ веќе има 70.000 продавници низ светот

Јапонско-американскиот трговец „7-Елевен“ достигна бројка од 70.000 продавници ширум светот. 

Компанијата работи во 17 земји преку франшиза, преку сопствени или лиценцирани продавници и е на 18 место во светот според вкупните приходи од продажбата. 

По напуштањето на Индонезија (2017 година), сега „7-Елевен“ одлучи повторно да се врати во оваа земја, со план од оваа календарска година да влезе и на пазарот во Индија преку „Футуре Груп“. 

Инаку, компанијата постои 93 години. Почна да продава сладолед во Тексас. Во 1991 година, јапонскиот концерн „Ито-Иокадо“ откупи 70 отсто од сопственоста во трговскиот синџир. Во 2005 година беше направена реорганизација во работењето по што синџирот уште повеќе се прошири глобално.