„Линдт“ оствари добри резултати во Европа

Швајцарскиот производител на чоколадо „Линдт“ соопшти дека постигна солиден раст на приходите во 2019 година, благодарејќи на добрите резултати во Европа. 

Минатата година, приходите на компанијата пораснаа за 6,1 отсто. Вкупните приходи се зголемени за 4,5 отсто, на 4,51 милијарди швајцарски франци. 

На најголемиот пазар на „Линдт“, во Европа, продажбата порасна за 6,2 отсто. Предводници се Германија, Австрија и Велика Британија. 

На пазарот во Северна Америка растот беше 5,4 отсто и е нешто послаб во споредба со првата половина од 2019 година.