„Карфур“ прави редукција

Францускиот трговец „Карфур“ презема мерки за кратење на трошоците, намалувајќи го продажниот простор во продавниците.

Трговецот планира да го намали просторот за складирање во хипермаркетите за околу 10 отсто, а си постави цел и да ги намали годишните трошоци за 2,8 милијарди евра до 2020 година, во споредба со 2 милијарди евра колку што планираше претходно.

Како резултат на намалувањето на големината на хипермаркетите во Франција, во тек се и преговорите со синдикатите за кратење повеќе од 1.200 работни места. Намалувањето на просторот најверојатно ќе резултира со отстранување на одделите за накит и на одредени сервисни пултови, а услугите ќе бидат дигитализирани и автоматизирани. Трговецот веќе укина 4.400 работни места во Франција, Белгија и во Аргентина.

Додека ја намалува површината на хипермаркетите, „Карфур“ сè повеќе инвестира во помали продавници. Трговецот планира да отвори 3.000 к-продавници (C-store, convenience store).