Пад на производството на маслиновото масло

Поради климатските услови, производството на маслиново масло во Италија се намалило за 57% во 2018 година, што ја прави една од најнеповолните досега забележани години.

Според податоците на Италијанскиот институт за земјоделска и прехранбена индустрија – ИСМЕА, ланското производство изнесувало 185.000 тони, во споредба со 429.000, колку што изнесувало во 2017 година. Тоа е многу пониско и од првите песимистички процени, објавени во октомври минатата година, кога очекувањата биле дека производството ќе достигне до 265.000 тони масло.

Поради падот на производството, се очекува цените да се зголемат, но не премногу, имајќи ја предвид големата продукција во Шпанија.