Кретински подготвува понуда за „Метро“

Чешкиот инвеститор Даниел Кретински подготвува потенцијална понуда за преземање на „Метро“.

Како што пренесува „Ројтерс“, компанијата „ЕП глобал комерц“, која е во косопственост на Кретински и на словачкиот финансиер Патрик Ткач, би требало да обезбеди финансии и други аранжмани и веќе во март да ја објави понудата за „Метро“.

Кретински е сопственик на чешката енергетска компанија ЕПХ, која поседува електрани низ цела Европа, и е акционер во францускиот дневен весник „Ле монд“. Тој и Ткач веќе поседуваат удел од околу 10% во „Метро“, кој има вкупна пазарна вредност од околу 5,2 милијарди евра.

Од ЕПХ и од „Метро“ одбиле да ги коментираат овие наводи.