Обединето Кралство: „Теско“ ќе инвестира 180 милиони фунти за платите на своите вработени

„Теско“ постигна договор со синдикатот „УСДАВ“ за зголемување на саатницата за работниците во продавниците од 12,02 фунти на 12,45 фунти од 30 март 2025 година, а потоа повторно на 12,64 фунти на крајот на август.

Оваа последна инвестиција од 180 милиони фунти во платите на вработените значи дека платата по час е зголемена за 32% од април 2022 година, што е еднакво на инвестиција од повеќе од 900 милиони фунти.  Дополнително, саатниците за вработените во Лондон ќе се зголемат од 13,15 фунти на 14,36 фунти, дополнително компанијата ќе го укине неделниот работен додаток, а квалификуваните работници ќе добиваат еднократна исплата. Бонусите за работа за време на државни празници ќе останат во сила.

Исто така, максималното  право на платено боледување ќе се зголеми на 20 недели за вработените кои ги исполнуваат условите, при што „Теско“ ќе продолжи да нуди пакет бенефиции за вработените кој вклучува виртуелен лекар, право на флексибилно работно време од првиот ден и зголемени семејни бенефиции како што се 26 недели целосно платено породилно отсуство и шест недели целосно платено татковско отсуство.

Нашите вработени се нашето најголемо богатство и овој договор го препознава нивниот неверојатен труд и работа што ја вложуваат секој ден за да им служат на нашите купувачи. Ова, исто така, претставува уште една значајна инвестиција во платите на нашите вработени, што, во комбинација со нашиот фантастичен пакет поволности, значи дека „Теско“ останува место каде луѓето можат да напредуваат и да градат исполнети и со надградени кариери, изјави Метју Барнс, извршен директор на „Теско“.

Извор/Фото: InStore.rs