Холандија: „Алберт Хеин“ воведува повеќекратни торби за леб

Компанијата „Алберт Хеин“ во своите 600 продавници воведува повеќекратни торби за леб, печива и за слатки кои се направени од рециклиран памук. За да промовира нова алтернатива на пластичните ќеси за еднократна употреба во своите пекари, компанијата ја започна кампањата „Топло препорачано од нашите пекари“.

Оваа одржлива торба е идеална за носење помали колачи и слатки. Торбата е направена од 100% рециклиран памук и има атрактивен дизајн, па може да се користи и како кесичка за леб. Може и да се пере, што овозможува повторно да се употреби при следното купување, во чиста состојба, што ја  прави погодна за помали печива и колачи.

Во текот на изминатите неколку недели, овие торби беа тестирани од повеќе од 700 купувачи, а сега оваа торба ќе биде достапна за потрошувачите во 600 продавници низ Холандија.

Нема ништо подобро од вкусни и свежи производи од нашата пекара. Штом ќе влезат во продавницата, купувачите веднаш ја мирисаат аромата на нашата пекара која работи со полна пареа. Имаме фантастичен избор на леб за сечија исхрана, од леб богат со влакна и високо протеински леб, до алтернативи без глутен и популарни лебови со кисело тесто. Со торбите за леб за повеќекратна употреба, правиме важен чекор кон намалување на употребата на пластика. Работиме и на други иновации кои ќе ги  направат производите од  нашата пекара уште поздрава и повкусна, изјави  Константин Нинк Блок, директор за трговија во „Алберт Хеин“.

Извор: InStore.rs

Фото: „Алберт Хеин“