Германија: „Хенкел“ оствари раст на приходите и добивката

Групацијата „Хенкел“ оствари приход од 21,5 милијарди евра во фискалната 2024 година, што претставува номинален раст од 0,3% во споредба со претходната година.

Негативните ефекти од девизниот курс ги намалија приходите за 1,8%, а кога ќе се исклучат овие ефекти, растот на приходите е 2,1%. Стекнувањата и деинвестициите имаа благо негативно влијание од -0,4%, главно поради повлекувањето на деловните активности на Хенкел од Русија во 2023 година. Органскиот раст на приходите достигна 2,6%, поттикнат од поволните цени и позитивниот развој на обемот на продажба.

Деловната единица „Адесив технолоџис“ забележа органски раст на приходите од 2,4%, првенствено поттикнат од секторите за мобилност и електроника. Деловната единица „Конзумерс брендс“ постигна органски раст на приходите од 3%, главно поттикнат од секторот за нега на коса.

Прилагодената оперативна добивка (EBIT) се зголеми за 20,9% на 3,09 милијарди евра, од 2,5 милијарди евра една година порано, додека прилагодената профитна маржа се зголеми на 14,3%, во споредба со 11,9% во 2023 година.

Резултатите од минатата година се јасна потврда дека трансформацијата на „Хенкел“ напредува успешно и дека, благодарение на нашата стратешка агенда фокусирана на намерен раст, ние сме на вистинскиот пат за најдобро позиционирање на компанијата во иднина. Ова се рефлектира и во прогнозите за фискалната 2025 година, во која очекуваме понатамошен раст на продажбата и профитот и покрај деловното опкружување кое останува предизвик. Би сакал да им се заблагодарам на сите вработени во „Хенкел“ за нивните извонредни перформанси. Со нивната тимска работа и исклучителна посветеност, уште еднаш успешно ја водевме нашата компанија низ една предизвикувачка година, изјави Карстен Кнобел, извршен директор на „Хенкел“.

Извор: InStore.rs

Фото: „Хенкел“