Германија: Инфлацијата во февруари 2,3 отсто

Според прелиминарната проценка, инфлацијата во Германија во февруари била со годишна стапка од 2,3 отсто, објави Националниот завод за статистика.

Тоа значи дека индексот на цените на мало за 12 месеци пораснал за исто толку како и во јануари. Од јануари до февруари цените се зголемија за 0,4 отсто. Статистичарите, сепак, укажуваат на охрабрувачки сигнал дека базичната инфлација, т.е. без нестабилните цени на енергијата и храната, забави на 2,6 отсто во февруари, по 2,9 отсто во јануари.

Многу економисти веруваат дека базичната инфлација е подобар показател за движењето на цените на мало од вкупната инфлација. Повеќето економски институти очекуваат слабеење на инфлацијата во текот на годината. Во последните три години, инфлацијата во есента 2022 година достигна рекордно високо ниво од 8,8 отсто. Според генералната оценка на економистите, ваквиот тренд нема да се повтори бидејќи инфлацијата годинава ќе заврши на 2,2 отсто. Тоа е нешто повеќе од два проценти, кон што долгорочно цели Европската централна банка (ЕЦБ).

Извор: dpa

Фото: Pexels