Швајцарија: „Кока Кола ХБЦ“ со раст на приходите од 3,8%

„Кока Кола ХБЦ“ ги објави своите финансиски резултати за минатата година.

Компанијата оствари органски раст на приходите од 13,8% во 2024 година, додека органскиот обем на продажба се зголеми за 2,8%, при што сите приоритетни сегменти постигнаа раст, се вели во соопштението на компанијата.

Газираните пијалаци бележат пораст од 1,5%, енергетските пијалаци од 30,2%, а кафето од 23,9%. Оперативната добивка  забележа органски раст од 12,2%, додека споредливата добивка достигна 1,19 милијарди евра.Пазарите за раст испорачаа органски раст на приходите од 12,7%, со силен раст на приходите по пакет и волумен, додека EBIT порасна за 39,6%. На пазарите во развој, органскиот раст на приходите достигна 23,3%, со силен раст на обемот, при што EBIT се зголеми за 13%.

Споредливата бруто-маржа се зголеми за 110 базични поени, достигнувајќи 36,1%, додека споредливата добивка по акција се зголеми за 9,5%, на 2,28 евра.Слободниот готовински тек (FCF) незначително се зголеми во однос на претходната година и изнесува 712,6 милиони евра.

Во 2024 година, постигнавме значителен напредок кон целите на нашата стратегија  Mision 2025 и иницијативата NetZeroby40. Видовме охрабрувачки резултати во земјите каде што се лансирани нови системи за повратно пакување и соработувавме со владите и невладините организации за да им помогнеме на заедниците погодени од поплавите низ Европа и Нигерија. Иако очекуваме макроекономското и геополитичкото опкружување да остане предизвик во годината што следи, уверени сме дека нашето портфолио, способностите и луѓето ќе овозможат понатамошен напредок кон нашите среднорочни цели за раст, ​​изјави Зоран Богдановиќ, извршен директор на „Кока Кола ХБЦ“.

Извор: InStore.rs

Фото: „Кока Кола“