САД: „Дијаџио“ гради нов производствен погод и складиште во Алабама

Компанијата „Дијаџио“  - САД, ги најави плановите за отворање на нов производствен погон и складиште во Монтгомери, Алабама.

Целта е да се подобрат операциите на синџирот на снабдување на компанијата во Северна Америка и да се поддржи идниот раст на извозот, се вели во соопштението на компанијата.

Имено, новата фабрика, која ќе го носи името „Дијаџио Монтгомери“, ќе обезбеди нова оперативна точка поблиску до дистрибутерите на компанијата во јужниот регион. Се очекува локацијата да ја намали потребата за патен транспорт, а со тоа значително да придонесе за намалување на емисиите на јаглерод диоксид поврзани со логистичките операции.

Објектот, кој ќе се простира на површина од 33.500 метри квадратни, ќе има годишен производствен капацитет од неколку милиони кутии од водечките брендови на алкохол на компанијата. Во новата фабрика ќе се имплементира и најсовремена технологија за поефикасно користење на водата и енергијата.

Горди сме што придонесуваме за економскиот развој на Монтгомери и сме длабоко благодарни на градските, државните и локалните лидери за нивната континуирана поддршка. Новата фабрика не само што ќе го доближи нашиот бизнис до купувачите и дистрибутерите на југот, туку и ќе овозможи нашиот поширок синџир на снабдување да работи поефикасно и поодржливо. Оваа инвестиција ја потврдува нашата посветеност за изградба на поотпорен синџир на снабдување низ Северна Америка, изјави Марша Мекинтош, претседател на снабдување во „Дијаџио“- Северна Америка.

Со инвестиција од приближно 415 милиони американски долари, развојот на фабриката „Дијаџио Монтгомери“ е во тек, а објектот се очекува да биде целосно оперативен во втората половина на 2025 година.

Извор: InStore.rs

Фото: „Дијаџио“