Кина: Прославата на лунарната Нова година ја зголеми инфлацијата

Стапката на инфлација во Кина се зголеми минатиот месец бидејќи Кинезите ги зголемија трошоците поради прославите на лунарната Нова Година. Растот на потрошувачките цени во јануари изнесува 0,5%, што е за 0,4 процентни поени повеќе во однос на декември минатата година и највисок во последните пет месеци, објави Државниот завод за статистика.

Инфлацијата во јануари, која годинава се совпадна со почетокот на долгите лунарни новогодишни празници, беше највисока од август минатата година, кога изнесуваше 0,6%. Тоа беше и повисоко од прогнозите на аналитичарите, кои беа околу 0,4%.

Кина со месеци се бори да ги зголеми трошоците и да ја заузда дефлацијата бидејќи скромните трошоци, падот на цените на имотот и зголемениот долг на локалната власт го кочат економскиот раст, објави француската новинска агенција АФП.

Според статистичарите, во јануари се зголемиле цените на стоките поврзани со лунарната нова година. Свежиот зеленчук поскапе за 2,4% на годишно ниво, а свинското месо за 13,8%. Поскапеа и услугите поврзани со туризмот.

Базичната инфлација, која ги исклучува цените на храната и горивата, забрза на 0,6% во јануари, откако се задржа на 0,4% во декември.

Извор: Bankar.me

Фото: Pexels