Велика Британија: „Сеинсберис“ ќе отпушти над 3.000 вработени

Компанијата „Сеинсберис“ објави дека планира да затвори 61 кафуле, како и преостанатите слаткарници и киосци за топла храна и пица, затворајќи над 3.000 работни позиции.

Имено, како што објасни извршниот директор на компанијата Сајмон Робертс, отпуштањата и затворањата се случиле поради „особено предизвикувачко опкружување“ кога се во прашање трошоците.

Компанијата додаде дека повеќето лојални купувачи не користат редовно кафулиња и дека сите најпопуларни артикли од слаткарниците и киосците ќе ги има во продавниците.

Овие промени се дизајнирани да поттикнат побрзо донесување одлуки и да ги намалат трошоците, се дел од плановите на синџирот за забрзување на стратегијата „Next level“, чија цел е да заштеди 1 милијарда фунти во оперативните трошоци.

Моравме да донесеме тешки одлуки за тоа во што можеме да си дозволиме да инвестираме и што треба да направиме поинаку за да го направиме нашето работење поефикасно и поефективно. Одлуките што ги објавуваме се од суштинско значење за да се осигураме дека ќе продолжиме да се движиме напред, но тие значеа и некои тешки избори кои влијаат на нашите посветени колеги во голем број сектори од нашата работа. Ќе направиме се што можеме за да ги поддржиме сите засегнати од овие промени, изјави Робертс.

Извор: Grocery Gazette

Фото: InStore