Жителите на Белгија се меѓу најбогатите во Европа

Националната банка на Белгија соопшти дека граѓаните на оваа држава се меѓу најбогатите во Европа и се значително побогати од просекот во еврозоната.

Како што пренесува „Брисел тајмс“, експертите од Националната банка соопштиле дека вкупното нето богатство на белгиските домаќинства на крајот на 2022 година   се проценува на 2,8 трилиони евра.

Просечното богатство по домаќинство во Белгија изнесува 555.000 евра, што  е речиси за девет пати повеќе од годишниот приход по домаќинство, додека во Луксембург нето богатството по домаќинство е еквивалнтно на 13 годишни приходи на домаќинството.

Извор: Независен.мк

Фото: Pexels