Белгија ја забрани продажбата на електронски цигари за еднократна употреба

Белгија стана првата земја од ЕУ што ја забрани продажбата на електронски цигари за еднократна употреба од здравствени и еколошки причини.

Целта е да се спречи зависноста од никотин кај младите и да се заштити животната средина.

Објавувајќи ја забраната минатата година, белгискиот министер за здравство Франк Ванденбрук изјави дека електронските цигари се исклучително штетен производ за општеството и животната средина.

Електронските цигари за еднократна употреба се нов производ едноставно дизајниран да привлече нови потрошувачи, изјави Ванденбрук за АП.

 Тој, исто така, посочи на опасните отпадни хемикалии во евтините и широко достапни електронски цигари за еднократна употреба.

Ванденбрук истакна дека Белгија игра пионерска улога во Европа за да го ослабне тутнското лоби и повика на ажурирање на правото на ЕУ во овој поглед.

Според него, Белгија има за цел да го намали бројот на нови пушачи на нула или блиску до нула до 2040 година и презема други чекори за да го обесхрабри пушењето.

Извор: eKapija

Фото: Белгија