Русија: „Карлсберг“ го продаде целиот удел во „Балтика бреверис“

Групацијата „Карслберг“ се согласи да ги продаде своите акции во компанијата „Балтика бреверис“ и како дел од спогодбата „Балтика бреверис“ исто така ќе го пренесе целиот свој удел во компаниите „Карлсберг Азербејџан“ и „Карслберг Казахстан“ на групацијата.

Компанијата објави дека трансакцијата, во која групацијата ќе го добие преостанатиот удел во компаниите во Азербејџан и Казахстан и паричен надомест, се очекува да биде затворена во следните неколку денови.

Откако ја објавивме нашата намера да ја напуштиме Русија во 2022 година, ги исцрпивме сите опции да најдеме начин за целосно излегување од Русија, притоа штитејќи ги нашите вработени, нашите средства и нашите вредности. Со оваа најава ќе решиме бројни тужби и прашања за правата на интелектуална сопственост поврзани со „Балтика бреверис“. Имајќи ги предвид околностите, веруваме дека ова е најдобриот можен исход за нашите вработени, акционери и продолжување со работата, изјави Џејкоб Аруп-Андерсен, извршен директор на групацијата „Карлсберг.“

 Новиот контролен акционер на „Балтика бреверис“ по продажбата на акциите ќе биде компанија во рамноправна сопственост на двајца долгогодишни вработени во компанијата, кои моментално имаат водечки позиции во неа. Тие ќе го преземат управувањето со компанијата како генерален директор и заменик генерален директор, со сегашното раководство, кое беше инсталирано од руските власти во 2023 година, откако ја ставија „Балтика“ под привремено државно управување, оставајќи ги своите позиции.

Продажбата беше одобрена и од данските и од руските власти. Како дел од договорот, страните ќе ги решат сите отворени правни спорови, вклучително и прашањата за правата на интелектуална сопственост, кои до оваа трансакција им дозволуваа на „Балтика бреверис“ да произведуваат, пласираат и продаваат брендови на „Карлсберг“.

Извор: InStore.rs

Фото: „Карслберг“