Турција: Инфлацијата во ноември најниска во последните 17 месеци

Годишната стапка на инфлација во Турција падна на 47,09 отсто во ноември, што е најниско ниво од јуни 2023 година, според официјалните податоци објавени во вторникот.

Веќе шест последователни месеци се забележува пад на инфлацијата, во однос на октомвриските 48,58%, објави „ТуркСтат“.

Цените на енергијата обезбедија значително олеснување, со забавување на годишниот пораст на 46,08% во ноември во споредба со 59,37% во октомври.

Храната и безалкохолните пијалаци, пак, во ноември се забрзани на 48,57% на годишно ниво, наспроти 45,28% во октомври.

Базичната инфлација, која ги отстранува нестабилните ставки како што се енергијата и храната, исто така благо се намали на 47,13% во ноември. На месечна основа, индексот на потрошувачките цени се зголеми со најбавно темпо од јуни на 2,24 отсто во ноември, од 2,88 отсто во октомври.